Vullnetarët e Kryqit të Kuq Shqiptar janë njerëz të pasionuar dhe të dhembshur që japin kohën dhe aftësitë e tyre duke ofruar ndihmë e mbështetje për njerëzit në komunitetet në mbarë Shqipërinë.
“Ne jemi njerëzit e Kryqit të Kuq Shqiptar që e bazojmë punën tonë në humanizëm dhe në vlerat humanitare. Të qenit së bashku me Kryqin e Kuq Shqiptar na lejon t’i shërbejmë popullit tonë dhe të jemi të vlerësuar për kontributin tonë duke u rritur personalisht dhe duke u zhvilluar profesionalisht. Vlerat tona humanitare janë themeli i veprimeve dhe vendimeve tona. Si pjestarë të Kryqit të Kuq, ne jemi të përkushtuar të veprojmë me respekt dhe dinjitet duke synuar cilësinë, sigurinë dhe gjithëpërfshirjen në shërbimet tona transparente, te pershtatshme dhe efektive. Gjithçka që themi dhe bëjmë është frymëzuar nga Parimet Themelore të Lëvizjes Ndërkombëtare të Kryqit të Kuq dhe Gjysmëhënës së Kuqe. Kemi kënaqësinë të ftojmë më shumë vullnetarë dhe staf të bashkohen me ne”.
- Të bëheni pjesëtarë të një Lëvizjeje Humanitare mbarë botërore dhe të një misioni humanitar universal!
- Të realizoni aspiratat tuaja të natyrshme kundrejt solidaritetit dhe humanizmit!
- Të kontribuoni kështu në ndryshimin e jetesës së njerëzve në nevojë dhe për një të ardhme më të mirë.
- Të keni kontakte me njerëz të ndryshëm dhe të jeni pjesë e një mjedisi shoqëror ku mund të gëzoni shoqërinë e të tjerëve dhe të ndani përvojat tuaja jetësore.
- Të rrisni kapacitetet tuaja apo të zhvilloni aftësitë tuaja komunikuese nëpërmjet takimeve, trajnimeve dhe kurseve formuese që Kryqi i Kuq ofron.
- Të siguroni një të ardhme më të mirë për veten tuaj nëpërmjet aftësimit dhe eksperiencës së punës që fitoni pranë Kryqit të Kuq Shqiptar, certifikatave apo dëshmive të dhëna për pjesëmarrjen tuaj në aktivitete dhe trajnime.
Bëhu edhe ti pjesë e skuadrës së kuqe duke u angazhuar pranë komunitetit tënd. Për t’u regjistruar si vullnetarë të Kryqit të Kuq Shqiptar plotësoni formularin KËTU.