Gjysmëhëna e Kuqe Turke ndihma për COVID-19 për Kryqin e Kuq Shqiptar
Gjysmëhëna e Kuqe Turke ndihmon Kryqin e Kuq Shqiptar me materiale mbrojtëse ndaj COVID-19. Sot në aeroportin e Rinasit, u organizua ceremonia e pritjes së një sasie prej 1.3 tonësh materiale mbrojtëse që Gjysmëhëna e Kuqe Turke i akordon Kryqit të Kuq Shqiptar, për t’i përdorur në mbrotje të vullnetarëve dhe të personelit të saj në realizimin e veprimtarive humanitare në ndihmë të shtresave më në nevojë. Ky kontigjent ndihmash përbëhej nga 75 000 maska, 4000 doreza, 2000 kostume mbrojtëse, 2000 syze mbrojtëse.
Ndihma e dorëzuan Presidentit të Kryqit të Kuq Shqiptar z. Ylli Alushi, nga Ambasadori i Republikës së Turqisë në vendin tonë, z. Murat Ahmet Yoruk. Z. Ylli Alushi falënderoi Gjysmëhënën e Kuqe Turke dhe Ambasadorin e Republikës së Turqisë në vendin tonë dhe nëpërmjet tij Qeverinë dhe popullin turk për ndihmat e dhënë në këto ditë të vështira të përballjes me pandeminë. Në këtë ceremoni ishin të pranishëm dhe përfaqësues të Ministrisë së Shëndetësisë dhe Mbrojtjes Sociale dhe Ministrisë së Mbrojtjes.
