(+355) 4 22 57 532 / 22 27 508 | kksh@kksh.org.al

Njerësit kanë nevoja për Kryqin e Kuq – ne jemi pranë tyre.

Njerësit kanë nevoja për Kryqin e Kuq – ne jemi pranë tyre.

Kryqi i Kuq Shqiptar, Dega Tiranë vazhdon me intensitet ndërhyrjen për t’i ardhur në ndihmë të prekurve nga tërmeti. Gjatë ditës së sotme vullnetarët e degës së KK Tiranë vazhduan t’i vinë në ndihmë banorëve të akomoduar në 2 vendstrehime e ngritura në Vorë dhe në Marqinet. Ata shërbyen ushqime të ngrohta të gatuara në Qendrën Sociale të Degës së KK Tiranë, për të gjithë banorët e akomoduar në këto vendstrehime.

Sot, së bashku me përfaqësues të Bashkisë Vorë u vazhdua me vlerësimin e nevojave të banorëve të strehuar në një kamp tjetër me çadra në zonën e Vorës. Në këtë kamp janë strehuar 300 persona që kanë nevojë për ushqim të ngrohtë dhe veshmbathje. Gjithashtu, u evidentuan nevojat humanitare të banorëve të zonave rurale të Vorës shumë prej të cilëve nuk janë larguar nga shtëpitë e tyre. Vlerësimi që u realizua në zonën e Malsubashit, u asistua dhe nga përfaqësuesit e Federatës Ndërkombëtare të Kryqit të Kuq dhe Gjysmëhënës së Kuqe. 7 banesa të verifikuara ishin në gjendje të rëndë dhe të pabanueshme. Nevojat kryesore sipas banorëve janë: strehimi (çadra), ushqimet, veshmbathjet, batanijet dhe kitet higjienike.
Ndërkohë jemi në kontakt të vazhdueshëm me njësitë administrative dhe të dërguarit në terren për çdo nevojë. Ndërhyrja vazhdon! “Njerëzit për njerëzit”

Ndajeni me miqte tuaj: