(+355) 4 22 57 532 / 22 27 508 | kksh@kksh.org.al

Kryqi i Kuq Shqiptar me një sistem të ri regjistrimi të anëtarëve dhe vullnetarëve të shoqatës

Instituti Kandez 5 4

 

Falë një bashkëpunimi një vjeçar me Institutin Kanadez të Teknologjisë dhe punës intensive të pedagogëve dhe studentëve të këtij instituti, sot Kryqi i Kuq Shqiptar ka një database të rëndësishme online për regjistrimin e anëtarëve dhe vullnetarëve të shoqatës.
Në ceremoninë e organizuar në EU Information Center, në Pallatin e Kongreseve në Tirana, Rektori i Institutit Kanadez të Teknologjisë, Prof.Dr.P.Eng. Habib Hamam, i dhuroi Presidentit të KKSH z. Ylli Alushi database – in “Database i të dhënave për anëtarët dhe vullnetarët e KKSH”.
Ky sistem i plotë dhe i detajuar online i anëtarëve dhe vullnetarëve, tregon rëndësinë që jep shoqata këtij aspekti nga më të rëndësishmit për jetën e një shoqate vullnetare si Kryqi i Kuq Shqiptar.
Realizimi i këtij sistemi është një shembull i mirë i bashkëpunimit tërësisht vullnetar ndërmjet një institucioni të lartë arsimor, siç është Instituti Kanadez i Teknologjisë, dhe një organizate humanitare vullnetare siç është Kryqi i Kuq Shqiptar.
Kryqi i Kuq Shqiptar falënderon ngrohtësisht Institutin Kanadez të Teknologjisë për bashkëpunimin e ngushtë dhe në fusha të tjera humanitare, që kurorëzohet sot me dhurimin e Sistemit të regjistrimi të anëtarëve dhe vullnetarëve të shoqatës.

Ndajeni me miqte tuaj: