(+355) 4 22 57 532 / 22 27 508 | kksh@kksh.org.al

Cristiano Ronaldo dhe Kryqi i Kuq Shqiptar – “BE THE 1!” Fushatë për dhurimin vullnetar të gjakut

 

Ndeshja nesër ndërmjet ekipeve kombëtare të futbollit të Shqipërisë dhe Izraelit, nis me një mesazh shumë të fuqishëm, me një mesazh pro jetës! Ajo hap si parin e fushatës sensibilizuese për dhurimin vullnetar të gjakut: BE THE 1! (Ji i PARI).

Motoja e kësaj fushate është: “Bashkohuni me Cristiano Ronaldon dhe Kryqin e Kuq Shqiptar për të dhuruar gjak tani. Ju mund të shpëtoni jetë. BE THE 1!”
Jini ju i pari, që do të shpëtoni jetë, duke dhuruar gjak! Ndoshta nesër, dikush që ju doni apo dhe ju vetë mund të keni nevojë për të mbijetuar…
Vetë Ronaldo, një nga yjet e futbollit botëror është dhurues i rregullt vullnetar gjaku dhe një nga promotorët më të mëdhenj të kësaj kauze.
Ndiq shembullin e tij jo vetëm në futboll, bëhu dhe Ti pjesë e familjes së madhe të dhuruesve vullnetarë të gjakut! S`ka dhuratë më të çmuar se jeta! Ki mirësinë, merr guximin, fal dashuri dhe dhuro jetë! Dhuro gjak! Ti mundesh!

Ndajeni me miqte tuaj: