(+355) 4 22 57 532 / 22 27 508 | kksh@kksh.org.al

12 familje, në qytetin e Gramshit, ndihmohen nga Kryqi i Kuq Shqiptar

16865070_1753415881639786_5899352756590487045_n

Një informim nga Dega e Kryqit të Kuq Gramsh, dy ditë më parë për rënien e një zjarri të madh në një pallat në qytet, vuri në lëvizje strukturat e shoqatës për t’u ardhur në ndihmë 12 familjeve, të cilave u ishte shkrumbuar gjithcka.

Pjesëtarët e këtyre familjeve janë evakuuar dhe sistemuar në ambjentet e një konvikti në qytet nga strukturat e emergjencës civile dhe pushteti vendor. Përfaqësues të Degës së KK Gramsh kanë parë nga afër dhe kanë vlerësuar situatën e rëndë të familjeve të djegura, e kanë kërkuar mbështetjen e qendrës së Kryqit të Kuq për të dhënë ndihmën e nevojshme në një kohë sa më të shkrutër.

Falë gadishmërisë së strukturave vullnetare dhe gjendjes së stokut në gadishmëri, u bë e mundur që vetëm dy ditë nga katastrofa t’u vihej në ndihmë këtyre familjeve, me pako ushqimore, miell, kite higjenike, batanije dhe kite kuzhine.

Ndajeni me miqte tuaj: